Hamkorlik

Elchi dasturi

Pediatric Care'ga hamkasb olib kelgan foydalanuvchi uning har to'lovidan ulush oladi. Bu sahifa «PEDIATRIC CARE OFFICIAL» MChJ ning elchilar uchun ommaviy ofertasi hisoblanadi: kabinetdagi ariza va «Shartlarga roziman» belgisi uni qabul qilish (aksept) sanaladi.

Kuchga kirgan sana

Qanday ishlaydi

  1. Saytda ro'yxatdan o'tgan har qanday shaxs kabinetda ariza beradi va elchilik shu zahoti ochiladi. Buning uchun obuna shart emas.
  2. Tasdiqlangach shaxsiy havola, Telegram havolasi va kod beriladi. Ular hamkasblarga yuboriladi.
  3. Havola orqali kelgan hamkasb obuna bo'lsa, uning har to'lovidan 10% ulush yoziladi va kabinetda sanasi, tarifi va summasi bilan ko'rinadi.
  4. 5 ta tayyor to'lov to'planganda pul kartaga o'tkaziladi yoki obuna kuniga aylantiriladi.

Shartlar

  1. Taraflar «PEDIATRIC CARE OFFICIAL» MChJ (Kompaniya) va dasturga ariza bergan jismoniy shaxs (Elchi) hisoblanadi.
  2. Saytda ro'yxatdan o'tgan har qanday shaxs Elchi bo'lishi mumkin, buning uchun obuna shart emas. Elchi kabinetda karta raqamini yozib «Elchi bo'lish» tugmasini bosadi. Tugmani bosish oferta qabul qilinganini bildiradi va elchilik shu zahoti ochiladi.
  3. Ulush Elchi olib kelgan obunachi haqiqatda to'lagan summaning 10% iga teng bo'ladi. Sovg'a, admin bergan obuna, bonus kunlari va kitob xaridi hisobga kirmaydi.
  4. Obunachi Elchiga havola yoki kod orqali bog'lanadi: kod chek yuborishda yoziladi, havoladagi kod esa brauzerda 30 kun va profilda eslab qolinadi. Obunachini Elchiga faqat uning birinchi pullik obunasi bog'laydi.
  5. Ulush birinchi to'lovdan va keyingi 12 oy ichidagi har uzaytirishdan yoziladi. Har ulush kabinetda sana, tarif va summa bilan ko'rinadi, yangi ulush haqida Telegram'ga xabar boradi.
  6. Obunachi uchun 3 kunlik qaytarish muddati o'tgach ulush «tayyor» bo'ladi. Obunachiga pul qaytarilsa, shu to'lovdan yozilgan ulush bekor qilinadi.
  7. 5 ta tayyor to'lov to'planganda Elchi kabinetdan to'lov so'raydi. Kompaniya pulni 3 ish kuni ichida o'zining alohida hisob raqamidan Elchi kartasiga o'tkazadi, shuning uchun jo'natuvchi saytdagi to'lov kartasi egasidan farq qiladi.
  8. Kompaniya soliq agenti hisoblanadi: jismoniy shaxs Elchining pul ulushidan 12% jismoniy shaxslardan olinadigan daromad solig'i (JShDS) ushlab qolinadi va byudjetga to'lanadi. O'zini o'zi band qilgan Elchi guvohnomasini ko'rsatsa, soliq ushlanmaydi va uni Elchi o'zi to'laydi.
  9. Elchi pul o'rniga ulushni o'z obunasiga ×1,5 qiymatda kun qilib olishi mumkin. Kun shu zahoti qo'shiladi va pulga qaytarilmaydi.
  10. O'zini o'zi taklif qilish, soxta akkaunt, spam, saytni noto'g'ri ta'riflash va Kompaniya nomidan chegirma va'da qilish taqiqlanadi. Qoida buzilsa, to'plangan ulush bekor bo'ladi va elchilik to'xtatiladi.
  11. Elchi Kompaniya xodimi yoki vakili hisoblanmaydi va uning nomidan shartnoma tuzmaydi.
  12. Kompaniya shartlarni 30 kun oldin ogohlantirib o'zgartiradi, o'zgarishgacha yozilgan ulush saqlanadi. Elchi dasturdan istalgan vaqtda chiqishi mumkin, shu paytgacha yozilgan ulush shu shartlar bo'yicha to'lanadi.

Elchi olib kelgan obunachi o'zi ham birinchi obunasiga +7 kun oladi.

Shaxsiy ma'lumot

Karta raqami faqat ulushni o'tkazish uchun saqlanadi va uchinchi shaxsga berilmaydi. Elchiga obunachining faqat ismi va familiyasining bosh harfi ko'rinadi. Maxfiylik siyosati

Kompaniya rekvizitlari

Rekvizitlar yuklanmoqda…